Hazrat Yousaf Story in Urdu

Hazrat Yousaf Story in Urdu

Hazrat Yaqoob Alaihis Salam Kanaan mein rehtay thay. Un ko Allah Ta'ala ne 12 betay ata kiye. Unhi mein se 2 betay Hazrat Yusuf Alaihis Salam aur Bin Yameen thay. Woh 10 sautelay bhai Hazrat Yusuf aur Bin Yameen se baray thay. Hazrat Yusuf abhi chhotay bachay hi thay ke unhon ne aik khwab dekha. Khwab mein dekha ke sooraj aur chaand aur gyarah sitaray samnay jhukay huay hain.

Unhon ne is khwab ke baray mein apnay walid Hazrat Yaqoob Alaihis Salam ko bataya. Hazrat Yaqoob Alaihis Salam Yusuf se muhabbat kartay thay. Unhon ne khwab ka matlab bataya. Unhon ne kaha: “Aey Yusuf! Aap ko baray ho kar aala rutba mile ga.” 

Aur khwab ke baray mein apnay bhaaiyon ko na batayein, haasid bhaaiyon ne Hazrat Yusuf Alaihis Salam ke khilaaf sazish ki. Unhon ne bahaana bana kar Yusuf ko le jaane ki ijaazat le li. Aur un ko door le gaye. Phir un ka kurtah utaar ke unhein andheray koonwain mein daal diya. Un ka khayaal tha ke Yusuf a.s ko koi door ka musaafir utha le jaaye ga.

Unhon ne Yusuf a.s ke kurtay par jhoota khoon lagaya aur apne walid Hazrat Yaqoob Alaihis Salam ko woh kurtah dikhaya. Kehne lage Yusuf a.s ko bhediya kha gaya hai. Kurtah phata hua nahin tha. Hazrat Yaqoob Alaihis Salam apne beton ki chaal baazi samajh gaye. 

Betay ki judai mein ro ro kar unki beenai chali gayi. Ek qaafila jo Misr ja raha tha, woh koonwain ke paas ruk gaya aur dol koonwain mein daala to nichay Yusuf Alaihis Salam us dol mein baith gaye.

Jab dol upar aaya to khoobsurat bachay ko us mein dekh kar heraan reh gaye. Qaflay walon ne Misr pohanch kar Hazrat Yusuf a.s ko maamooli qeemat par aik shakhs ko farokht kar diya.

Woh shakhs Azeez-e-Misr tha. Us ne Hazrat Yusuf Alaihis Salam ko khoob izzat se apne mahal mein rakha.

Allah ne husn aur dyanat dono se hi un ko nawaza. Aur jab woh jawani ki umr tak pohnche to Allah Ta’ala ne unhein apna nabi chun liya.

Azeez-e-Misr ki biwi zulekha jhooti aur dhokay baaz thi. Aik din us ne haseen Yusuf Alaihis Salam ke kirdar par jhoota ilzaam laga kar Hazrat Yusuf ko jail mein Qaid karwa diya woh qaid mein Allah Ta'ala ke hukm se logon ko khwabon ki ta'abeerein batane lage.

Ek baar do qaidiyon ne apne khwab sunaye. Hazrat Yusuf (A.S) ne ek qaidī ko bataya ke tumhein maut ki saza milegi. Doosre qaidī ko bataya ke tum riha ho ke dobara badshah ki naukri karoge. Jab woh riha hua to unhon ne usse ta'keed ki ke woh badshah se un ka zikar kare. Shaytan ne yeh baat us ko bhula di aur Hazrat Yusuf (A.S) jail mein hi rahe.

Ek raat Misr ke badshah ne ek ajeeb sa khwab dekha. Us khwab ki ta'abeer koi na de saka. Badshah pareshan ho gaya. Tab us qaidī ne badshah ko Hazrat Yusuf (A.S) ke baare mein bataya. Bataya badshah ne khwab dekha tha ke saat gaayein moti hain aur saat dubli, aur saat dubli gaayein saat moti gaayein ko kha gayin. Hazrat Yusuf (A.S) ne badshah ke khwab ki taabeer batayi ke saat saal tak zar khaizi aur khush haali rahe gi, phir saat saal tak qahat rahe ga.

Us aadmi ne taabeer badshah ko ja kar sunai. Badshah ne Hazrat Yusuf (A.S) ko bulwaane bheja. Hazrat Yusuf (A.S) ne jawab diya ke pehle mujh par lagay huway ilzaam ka faisla karein. Badshah ne achi tarah pehchaan liya ke woh ilzaam jhoota tha.

Us ne un ko ba-izzat bari kar ke misr ka wazir bana diya. Woh ghalla zakheera karne lage aur woh logon ko anaaj dene lage. Log door door se aane lage.

Ek din un ke soutelay bhai aaye. Hazrat Yusuf (A.S) ne unhein pehchan liya lekin woh un ko na pehchan sake. Hasid bhaiyon ne kaha ke humaray chhotay bhai Bin Yameen ka hissa bhi dein. Hazrat Yusuf (A.S) ne kaha ke agli baar is ko bhi laana warna kuch nahi milega.

Woh bhai agli martaba Bin Yameen ko bhi saath laaye. Hazrat Yusuf (A.S) ne Bin Yameen ko chupke se apne baare mein bataya aur unhein apne paas rok liya.

Baqi Bhai Wapis Pohanchay Tu Hazrat Yoqub a.s Ko Bin yameen K Baray Mein Bataya. Jin Ki Aankhein Pehlay Hi Hazrat Yousaf a.s K Gham Mein Ro Ro Kar Safaid Ho Chuki Thi. Ab Bin yameen Ki Judai Bhi. Apnay Baap Ki Yeh Halat Dekh Kar Soutailay Bhai Misar Aaye Ta K Wazeer Say Faryad Karein. 

Hazrat Yousaf a.s Ne Apnay Bhaiyoun Ko Bta Diya K Woh Misar K Wazeer Hai Yeh Sab Sun Kar Unkay Bhai Hairan Reh Gaye. Aur Apnay Kiye Par Bohat Sharminda Howay.

Hazrat Yousaf a.s Ne Apnay Bhaiyoun Ko Maaf Kar Diya. Unhon Nay Apnay Bhaiyoun Ko Apnay Kurta Diya Aur Kaha K issay Mere Walid K Chehre Par Rakhna Unki Aakhein thek Ho Jaye Ghi. Aur Apnay Bhaiyoun Ko Rawana Kar Diya. 

Wapis Ja Kar Unhon Nay Waysay Hi Kiya Jaisay Unko Hazrat Yousaf a.s Nay Karnay Ko Kaha Tha. Tu Hazrat Yoqub a.s Ki Aankhein Theek Ho Gai. Aur is Tarah Hazrat Yousaf a.s Apnay Walid say mil Gaye.

Is article mein allah pak kay nabi Hazrat Ismail Ka waqia Hai isko read karein:

👉 Hazrat ismail Story in Urdu (English)